Aizawl: Nimin khan MNF Party Legal Board chuan Aizawl press club-ah an chairman J.Lalremruata Hmar hovin chanchinthar lakhawmtute an kawm a. Minister Zodintluanga chu a ban theih nan theih tawp chhuah an tum tih an sawi. J.Lalremruata chuan Minister bang tura an nawrna chhan chu, M/S Mizo Carbon Products-ah dik lo takin a inrawlh nia an hriat thu sawiin, "Dt. 31.8.2012 a din nia lang M/S Mizo Carbon Products chuan Luangmual IGC ah hmunhma chhete neiin Lungalhthei thlitfimna a din a. He Firm in transaction an khawih tak tak lai ni a lang 2012-2013 ah hian Taxation Minister chu Pu Zodintluanga niin he firm neitu hi a nupui laizawnnu a ni,’ tiin media te a hrilh a. MNF Legal Board te sawi danin he Pvt. Firm hian kum 2012-2013 chhung khan Lungalhthei Truck phur 2382 phur thleng anga insawiin subsidy Rs. 3,41,65,086/- chu State Level Committee in dt. 21.5.2013 a alo pawmpui angin an dawng tawh nghe nghe a. A hnu a an dil leh Rs. 10,34,82,311 pawh SLC hian 27.5.2016 khan pawmpui lehin, dodalna leh sawiselna a nasat tak avangin Meeting Minute erawh an tichhuak talo a. Truck phur 2382 lai hi an phur thleng lo a ni tih chu an hnathawhna hmun Industrial Growth Center, Luangmual ah hmu duh tan hmuh theihin a awm reng niin an sawi bawk. MNF Legal Board sawi zel danin Lungalhthei an lakna nia tarlanFirm \henkhat te S.A Sangma Coal Agency, Gulab Chand Jain,M/S SJ Enterprise, North East Traders leh HK Coal Agencies te an nih laiin heng Firm te hian Site Office emaw Delivery Station Khleiriat, Meghalaya ah an neilo mai nilo in heng Firm hming pawh hi an hre ngai lo a ni tih lungalhtheia sumdawng tawh Niwel Lyngdoh, Headman, Khleiriat chuan a sawi niin media te an hrilh bawk. Minister Pu Zodintluanga chu mawhphurhna la ngamin a bang mai dawn nge? Chief Minister hian a ban dawn? tih chu an thlir mek thu an sawi bawk.