Aizawl April 20, 2023 : BJP Mizoram thuchhuak chuan Vawiin khan CADC BJP Office Chawngte-ah CADC Election Campaign Chairman, State Core Group Member ni bawk AB Chakma chuan MNF MDC ni mek Amit Kumar, CEM hlui leh amah zuitu mi 600 te chu BJP ah an lawmlut tih an tarlang.

AB Chakma chuan, "CADC Election lo awm tur ah BJP in Sawrkarna kan siam ngei ngei dawn a, chumi tingheh a nihna turin vawiinah kan ram hmangaihtu Amit Kumar Chakma leh amah zuitu mi 600 ten BJP min zawm hi a lawm awm hle a, Mizoram-ah pawh BJP hi sawrkarna fawng chelh tu kan nih dawn a ni tih 2023 MLA General Election ah hian kan hmu dawn a ni," a ti.

Amit Kumar pawhin thu sawiin, "Vawiin ah hian MNF ah rinawm takin kan hotute hnungzuiin hma ka lo la tawh thin a, nimahsela tun Election lo awm tur ah hian MNF-a kan hotu te chuan CADC Election lo awm tura Ticket min tiam chu min pe ta lova, hei hian MNF Leadership that loh zia a lantir avang leh an thutiam ah an din tak loh avang leh an rinawm loh zia ka hnuh hian MNF hi awm reng na chi ah ka ngai lo a ni. Chuvangin vawiin ah hian CADC-ah BJP in sawrkarna an siam ngei na turin kei leh ka bial mipui te nen BJP hi lawm takin kan rawn zawm ta a ni," a ti.