February 10, 2023;  Kum 2019-2023 chhungin Two Wheeler Taxi permit 2,955 pek chhuah a ni tawh a. Permit pek chhuah leh tumna emaw tum lohna a awm rih lo.

Assembly budget session neih mek a C. Lalsawivunga zawhna, Transport minister in a chhan danin, Two Wheeler Taxi permit chu Aizawl khawpui tan chauh pek chhuah a ni a, district dang tan pek chhuah a la awm lo.

Two Wheeler Taxi permit chu kum 2019 ah pek chhuah a awm lo a, 2020 ah 1,709 pek chhuah niin, 2021 ah 1,246 pek chhuah ni bawkin, 2022 leh 2023 ah permit pek chhuah a la awm lo.

Kum 2023 ah Two Wheeler Taxi permit pek a ni leh dawn em? tih C. Lalsawivunga zawhna chu, tun dinhmun ah chuan Two Wheeler Taxi permit pek chhuah leh tumna emaw tum lohna a awm rih lo, tiin Transport Minister in a chhang.