Aizawl Febuary 10, 2023: Zirtawpni hian Mizo Hnam Run chhung inkhawm vawiin khan neih a ni a. He huna thusawitu PP Thawla, Ex-Minister chuan MNF hi hnam party awmchhun leh hlun ber a ni, tiin MNF sitting MLA zingah tla tur an awm lo niin a sawi.  MNF nih hi a hahdamthlak a ni, a ti bawk. 

MNF Gen.Hqrs. NCC member chuan, Tunlai chhimlam politics virvelah, MNF atanga mi thahnem tak bang anga sawi ni ma hse, Siaha bial hi MNF tan bial huphurhawm a ni lo, tiin MNF Adviser chuan, "MNF sitting MLA zingah an khingpuite hnehlo tur anga ngaih theih an awmlo a, development sum lokal mek leh lokal zel tur avang leh SEDP vangin MNF hi a sawrkar leh ngei a rinawm a ni," a ti.

PP Thawla chuan, "High School Headmaster atangin a chhelai siamthatu nih tumin politics ah ka lut a. Politics hi mi thenkhatin infiamna bawlhhlawh ti thin mah se, Pathian leh ram rawngbawlna a ni tih ka hria a ni. Chuvangin, Pathian leh kan ram tan, tih thupuia neitu ngei MNF hi inthlahrung hauhloin ka zawm ta reng a ni," a ti. 

He hunah hian MNF zawm tharte lawmluhna hun hman a ni a. MNF Vice President  Vanlalzawma chuan mitharte hi a lawmlut a ni.