Aizawl : Nimin khan Dawrpui, Bethlehem Vengthlang, Tuikual South leh Vaivakawnah te Lalruatkima chuan AMC campaign hun a hmang a, thusawiin MNF sorkar chuan Aizawl khawpui hmasawnna turin hna nasa takin a thawk niin a sawi.

Lalruatkima chuan, Aizawl hmasawnna turin MNF-in hma a la nasa hle tih sawiin, “Assam Rifle ram chhuhsakin New Capital Complex siam a ni a, Durtlang kawng nasa takin laih zau a ni a, Millenium Centre din te, Ch Saprawnga Truck Terminal te, Ch.Chhunga Bus Terminal te, Chaltlang kawngchho zauh mekte bakah sawi mai sen loh tam tak a awm a ni,” a ti a.

Aizawl West II bialtu chuan, “Pu Laldenga hova reilo te MNF sorkar a lo din pawh khan Chanmari atanga Ramhlun kawng zim em em ?hin kha tihzauh a ni a. Venghlui leh Pachhunga College kawng te leh veng chhung inkalpawh tawnna kawng tam tham tak siam a ni bawk a. CM hmasain, 'khawpui a?angin tumahin sipai an sawnchhuah ka hre ngai lo' a ti a. MNF sorkar chuan Assam Rifle sawnchhuah tumin hma a la zel a. Assam Rifle-te sawn chhuak turin ruahmanna siam fel vek a ni tawh a, an chhuak ngei ngei dawn a ni. An chhuahsan hmun Lammual leh a chhehvel tangkai taka hmang turin ruahmanna pawh siam fel a ni leh mek a ni,” a ti bawk.

MNF adviser chuan, “MNF hian he Aizawl khawpui hi nasa takin a lo siam tawh a, nasa taka siam chhunzawm leh turin MNF hian AMC-ah thuneihna kan chan a ngai a ni,” a ti bawk.

MNF Adviser chuan, “In luahtute leh In luah tur neite inkara harsatna awm thin hi sorkar chuan chinfel kan tum a. Duh hun huna In luahte hnawhchhuah awm thin leh In luah man pe tha duh lo awm chungchanga harsatna chu chinfel kan tum a. The Mizoram Urban Areas Rent Control Act hmangin hma a la dawn a ni,” a ti.