Aizawl: Tun hnaia MNF Party zawm ta, Home Minister hlui R.Lalzirliana chuan Mizoram pumah MNF thli a tleh niin a sawi.   MNF Aizawl East II Block ten nimina house to house campaign an neihah he thu hi sawiin R.Lalzirliana chuan, “Hmun hrang hranga Congress hruaituten chhun zan zawmin min rawn phone a, Congress chhuah sana MNF a lo lut tur hi tam tak an la awm a ni,” a ti a. Armed Veng mawng lama lei che kum 10 zet siam loha awm chu vanduaithlak a tih thu a sawi bawk.   Aizawl E II-a MNF candidate Robert Romawia Royte chuan, “Pathian leh bial mipuite zara thlan tlin ka nih chuan Armed Veng area bikah Vengnuam a siam te, Area-a checkdam siam te, 1st Battalion MAP Complex sak that te, welfare committee nena YMA Road tihlen te hi ka ngaihpawimawh ngei ngei tur a ni,” a ti bawk.