Aizawl August 2, 2024 : MNYF Headquarters President Robert Romawia RoyteExtended Meeting vawiina neih chuan kum 2024 chhungin Aizawl khawpui chhung a MNF thalai ten Thisen pek runpui neih a rel a, he hunah hian a tam thei ang ber thisen pe an awm theih nan Aizawl khawpui chhunga MNYF Block leh Unit te an sawm.

MNYF Headquarters Extended Meeting chuan hetiang hian Resolution a siam :

MNF sawrkar in mipuite mamawhna hria a Mualkhang bottling plant tih lenna atâna theih tawp a lo chhuahna rah tuna hmuh tur a lo awm ta hi MNF Ṭhalai te chuan lawmawm kan ti hlé.

Mizoram sawrkarin mipui sawr fe zawnga inrenchem na a kalpui laia anmahni erawh mipui sum ti hek zawnga an inhaivur reng si hi MNF Ṭhalai te chuan a ṭha lo kan ti hle a. Mahni in dah ṭha daih a mipui lama inrenchemna kalpui si hi mipui sawrkar ni lovin party sawrkar ah kan ngai a ni.

Mizoram sawrkar hian Vairengte kudam atanga kuhva rah bag sang tel bo ta te kha a rang thei ang berin chhui chhuak se kan ti a. Tin, kuhva rah man sa mimal kudam leh hmun him tawk lova awm mek te hi a bo ṭhen leh hma in sawrkar hian a awmna tur dik tak hmun him zawk ah dah thuai se tih hi kan phut tlat a ni.

Kan CM zahawm takin CBI te general consent pek an nih tur thu leh CBI te'n case chhui tura state sawrkara phalna engmah an dil a ngai loh tur thu Assembly House meuha a sawi hnu July ni 1, 2024-a Gazette Notification-a CBI te'n ziaka state phalna an neih phawt loh chuan state sawrkar hnuaia hnathawk te an chhui theih loh tur thu tarlan a ni leh si hi MNF Ṭhalai te chuan general consent ah kan pawm lo a. CBI te hi General Consent dik tak pe ngam turin Mizoram sawrkar hi kan phut tlat a ni.