Tintin Entertainment leh Runmawi Apps tangkawp ten an siam 'Mo Sual' film chu March 1, 2024 (Zirtawpni) zan khan Vanapa Hall-ah tlangzarh a ni ta. Tlangzarhna hmunah hian entu mipui thahnem tak an kal a, ngaihhlut a hlawh hle a ni.  

Mo Sual film-ah hian lemchan lama tawn hriat nei tha tak tak an inlan nual a, hmel thar hmuh tur an awm bawk. 'Driver Kima' film-a Papuia Pachuau nena lo chang dun tawh Esther Sailo kan hmu leh a, Miss Mizoram atanga kan hmelhriat hian lemchan lamah theihna sang tak a nei tih a pholang chhunzawm zel. Tawn hriat nei ngah leh a role play hneh em em thei zel Eddie Tochhawng pawh a thiam ngaiin a la thiam reng bawk. 

Alice, Immanuel Khawlhring, Vee Elly, Solomon Fanai, Lalrozama Ralte, F. Laltanpuii leh Jimmy Pachuau te hming sawi hmaih a thiang lo bawk. 

An director hi Melody G Fanai a ni a, an director of photography hi BS Picture a ni. A thawnt6hu hi Romuanpuii Zadeng ziah niin, screenplay hi Nuna Hrahsel a ni thung. He film-ah hian sum ngainatna avanga chhungkaw kehdarh ta bakah, mo sualin chhungkua a tihdarh theih ziate tarlan a ni - Runmawi App-ah en theihin a awm.