Aizawl: Mizoram Statistical Handbook in a tarlan danin Mizoram chhunga mobile phone service provider pangate hnuaiah mi 1,028,076 an awm. Statistical Handbook-a a lan dan hian Mizoram chhunga mobile phone hmangtute hi mi 1,028,076 an awm a. Mizorama Service provider paruk BSNL, Airtel, Aircel, Reliance, Vodafone leh Idea an awm a. Heng ho hnuaiah hian March 2016 thleng khan subscriber 1,028,076 an awm tawh a, hetah hian Reliance record a tel lo a ni. Mobile phone hmangtu hi Mizoram chhiarpui a\anga chhutin mitin deuhthaw in an hmang ang a ni a. Kum 2014-16 inkarah mobile phone hmangtu hi Handbook atanga a lan danin an pung hnem hle a ni. Airtel in subscriber ngah berin Aircel in an dawt a. BSNL chu pathumna a ni. Economic Survey 2016-17 atanga a lan danin December 2016 thleng khan Mizoramah mobile phone hmangtu hi mi 10,88,641 an awm a, hetah hian Reliance leh Idea record a tel lo ve thung a ni. Subscriber record hi kim taka hmuh a nih chuan hei aia tam fe hi mobile hmangtu an nih rin a ni.