ZALEN September 11, 2025: BJP Mizoram State President Dr. K. Beichhua, MLA chuan vawiin khan Prime Minister Narendra Modi-a'n Sairang rail Station hawn chungchangah chanchinthar lakhawmtute a kawm a, Mizo mipuite chu Modi laka lawmthu sawi tur an nih thu a sawi.

Dr. K. Beichhua chuan, "Kum 11 chhunga Bairabi atanga Sairang thleng rel kawng siam a ni hi Mizo mipuite tan awlsamna nasa tak a thlen dawn a, ramin nasa takin hma a sawn phah dawn a, hei vang hian Modi chhungah Mizo mipuite hian lawmthu sawi tur kan ni," a ti.

BJP Mizoram State President chuan BJP te chuan zui tur dik tak an zui nia an inhriat thu a sawi a. Zoram mipuite hian hetianga hmasawnna min petu hi zui mai hi tur a nih thu a sawi. "Mizo mipuite hian hma kan sawn duh chuan kan thil thlir dan kan thlak a ngai, tuna kan thil thlir dan hi a dik tawk lo a ni," a ti bawk.

Dr. K. Beichhua hian rel kawng siam a nih dan leh a kawng dinhmun te hrilhfiahna a nei a, naktuk hian Union Railway Minister-in a endik tur thu a sawi bawk.