Aizawl: All India Congress Committee aiawha lokal Bobbeta Sharma chuan, “Narendra Modi sawrkar hnuaiah India rama defence sum eirukna lian ber a thleng a ni,” a ti. Nimin khan Aizawl Press Club-ah chanchinbumite kawmin Bobbeta Sharma chuan, “France ram atanga indo thlawhna Rafale leina turah UPA sawrkar laia thlawhna man tur vaibelchhe 18,940 ni tura inremna siam tawh chu kum 3 hnu lawk April 10, 2015-a NDA sawrkarah chuan Rs. Vbc 60,145-ah a kai chho ta daih mai a. Hetia mipui sum Rs. Vbc 41,205 a kai chho ta hi a mak a, mipui sum heti zozai a luanral chhan hi sawifiah ngei turin Prime Minister leh Defence Minister hi kan phut a ni,” a ti.