Influencer Molly-Mae Hague chuan Instragram-a a thlalak post avangin harsatna a tawk leh ta a, a post hi 'ban' sak a ni. Molly-Mae Hague hian Pretty Little Thing (PLT) sumdawnna a post a, mahse #ad a mention loh avangin a vawi thum nan hrem a tawk. 

Kum 23 mi Molly-Mae Hague hian Advertising Standards Authority (ASA) dan a bawhchhia tih tarlan a ni a, hei vang hian a thil post hi 'ban' sak a ni. Pretty Little Thing (PLT) dress a inbel hi a tisual lo a, mahse, ASA dan a zawm lo tihna a nih chu. He thilah hian Molly-Mae Hague hian a tidik lo ngei tih a thupuangtu chuan a sawi a, an tihsual palh a nih thu leh tun hnuah chuan #ad chu an mention thin tawh tur thu a tarlang bawk. 

Social media hian dan leh hrai zawm tur eng emaw zat a nei a, a bikin sumdawnna thilah zawm that a ngai zual. English social media influencer Molly-Mae Hague hi dan zawm lamah a pachhe deuh a ni mai thei, tum thum lai dan zawm loh vangin harsatna a tawk ta. Molly-Mae Hague hi reality dating show 'Love Island' runner-up a lo ni tawh a, kum 2021 atang khan PrettyLittle Thing-ah hian creative director a ni.