Aizawl: Nimin chawhnu dar 1 pelh hret khan AMC bawlhhlawh phur motor, 407 truck chuan a hmaa tlan car pakhat suin a sut nghawngah hian lirthei dang eng emaw zah hnawl tel a ni bawk. AMC truck hi Laltlanchhuaha (27) s/o C. Chawnghlira, Lawipu Veng khalh niin Chaltlang leh Bawngkawn inkar Bazar India bula chhuk zawnga tlan chuan amah tawk zawnga tlan lirthei tê chi, Wagon R a su a, a sut zawh hian a hmaa tlan bus chu a hem zui leh bawk. Bus hian a hmaa tlan taxi a su leh a, taxi hmaa lirthei pahnih chu an insu chhawng leh a ni. Bawlhhlawh phur motor khalhtu hi nikhawhreloin a awm a, a suta te hi chu tumah hliam an awm lo niin Traffic hotute chuan ZALEN an hrilh. Truck hi chhuk zawngin a tlan thla chak hle tih Traffic hotute chuan an sawi bawk.