Aizawl: Central YMA  leh Mizoram PWD ten Memorundum of Understanding an siam bawhzuiin Hliappui leh Pawlrang inkar kawng siam mek chu nimin khan endik a ni. Nimina kawng siam mek endiknaah hian Kawlkulh group YMA OB, Hliappui Branch, Pawlrang Branch, PWD thawktute leh Contractor te an tel a,  kawng siam a nih dan uluk takin an endik  a ni. Thudawn danin Joint inspection and Monitoring team chuan Hliappui leh Pawlrang inkar kawng siam mek chu an hnathawh a tha thawkhat a, an lung hman pawh a tha a. Hnathawktu labour lam an indaih loh avangin hna erawh a muan phah deuh niin niin an sawi a, remchang hmasaah enho leh an tum. Hliappui leh Pawlrang inkar kawng hi March 13, 2018 khan hna tan  a ni a, March 12, 2019 hmaa siam zawh tur a tih a ni a. Contractor  chu CT Mawia Class I contractor Kolasib a ni.