Aizawl: Integrated Mountain Initiative (IMI) leh Mizoram Sustainable Development Foundation (MSDF) buatsaih ‘Sustainable Mountain Development Summit’ vawi 6-na chu September ni 20-22, 2017 hian Mizoram University-ah neih a ni dawn. Summit thupui atan hian “Climate Change” leh “Sustainable Mountain Cities” tihte hman a ni ang a. Hemi sawi tur hian NAPCC duannaa bultumtu, Prof. Navroz Dubash leh Prof. Anne Feestra, Dutch Architect-te beisei niin he Summit ah hian state pawn lam atangin MP, MLA, Govt. Officials, UN Agencies leh midangte 200 chuang tel tura beisei an ni. Summit hawnna hi ni 20.9.2015 5:00 pm ah Chief Minister Pu Lal Thanhawla hovin neih a ni ang a, a kharna hi Governor Lt. Gen. Nirbhay Sharma hovin ni 22.9.2017 ah neih a ni ang. MP leh MLA-te pualin ni 22.7.2017 9:30 am hian Legislators’ Meet neih a ni bawk ang a, hei hi Speaker Pu Hiphei-a'n lo thlengin hemi atan hian State pawn atangin MP leh MLA rual 20 chuang an lokal dawn ni a thudawn a ni. Hemi inbuatsaihna atan hian ni 18-20 September 2017 hian Youth Summit, Youth Hostel Luangmual ah buatsaih a ni ang a a, ramchhung hmun hrang hrang atangin thalai 60 an tel bawk dawn a ni.