Movie Corner : Mizo film chhuak thar tur en chakawm te 
Tun hnaiah Mizo film chhuak thar tur a awm nual a, en chakawm tak tak an ni hlawm. July 27 atangin en tur a awm chho tan dawn a, August thla tawp thlengin a indawt chho zut dawn a ni. 

1. DAMPUI FOREST (July 27, 2023)
Tun hnaiah Mizo film chhuak thar a awm nual a, tihchhuah leh mai tur pawh a awm nual. Chung zinga ngahhlehawm tak pakhat chu Adventure horror film 'DAMPUI FOREST' hi a ni. 
Mizo ten adventure film en tur kan nei meuh lo a, he lama tui mite chuan an bengkhawn khawp ang le. Shooting hi Adventure hmun hma nei tha Ngentiang khua, Serchhip District-ah an nei a, engkim peih fel a ni tawh - July 27, 2023, Ningani zan khian Vanapa Hall-ah tlangzarh a ni ang. A hmuna en duh tan ticket siam a ni a, hralh zawh vek niin siam belh a ngai hial. 
He film-ah hian Mizo tlangval chhuanawm leh huaisen adventure leh bushcraft lama min hrat khaw kheng Zira PC a inlan dawn. 
Zira PC bakah hian comedian tha chungchuang parody music video nalh tak tak leh en hlawh tak siam thin, ELZA TV tia kan hriat Pachuau Lalenkawla a inlan dawn cheu bawk. Dampui Forest hi 'Detective Mart' film director Lalruatfela (Mart Khiangte) kutchhuak a ni dawn a, Runmawi Apps-ah en theihin a awm ang.

2. TAWKI (July 28, 2023)
FADYO Picture's Production kut chhuak a ni dawn a, Mizo film-ah chuan action-tragedy-thrillhmuh tur a tam loh avangin a nghehhlehawm hle. Florence Vanlalhriatzuali chuan leading role a play dawn a, eng tiang chiaha thiam nge a nih hmuh theihin a awm thuai dawn e. 
'Tawki' hi Mizo film industry-a sulhnu nei ngah ber ber pawl leh a hun laia Mizo film hit ber berte lo siam tawh thintu, C. Hmingthangvunga kut chhuak a ni - a hmuhnawm loh ring suh. Pafaa zin pa ber boral thut avanga unaua vakvai, a nau tawng thei lo nena harsatna tam tak paltlangtu, Tawki phuba lakna chanchin ngaihnawm tak kan hmu dawn a ni.
July 28, 2023 zanah tlangzarh a ni ve thung dawn a, film theme song/OST pawh Mizo Idol lamaa kan lo hmelhriat tawh, Angela Mawlsawmparii sak a ni nghe nghe. 

3. THAIBAWIh (August 11, 2023)
Tun hnaia film chhuak thar tur zinga thawm nei lian ber tih ngam chu Thaibawih 'Hmeichhe lu chu mipa' hi a ni awm e. August 11, 2023 zanah tlangzarh a ni dawn a, Lersia Play App lamah en theihin a awm ang. 
Thaibawih film-ah hian zaithiam Francis Lallawmkima chu a vawi khat nan a inlan a, 'Thinlung Khawngaihthlak' singer hian role pawimawh tak a play. Francis-a chanpui hi Ruthi Chenkual a ni a, ani hi chu tunge a nih sawi nawn a ngai tawh lo - a talent neih that zia kan lo hmu fo tawh. 
Ruthi hi tun lai film star lar berte zinga mi a ni a, ngaihven pawh a hlawh hle. Mipate star rawn a ni a, Thaibawih film en tichakawm zualtu zinga mi a ni leh dawn. 
Thaibawih film hi Zote Entertainment produced a ni leh dawn a, a entlak leh viau tura beisei a ni. An kut chhuak zingah - Nutei Thingpui Dawr, Ka U Liana leh Amawii te chu tun hnaia Mizo film hit ber berte an ni a, an lakah beisei a sang lo thei lo. Lersia Play App lamah en theihin a awm ang.

4. THE GHOST HUNTER (August 2023)
Thlahrang film ngainatute tan chanchin lawmawm hriat tur a awm leh ta - JC Motion Pictures, Lunglei siam 'Kaphranga Fatlum Awitea - THE GHOST HUNTER' film chu tihchhuah tura peih fel a ni hnai ta. 
He film hi tun hma lama film hriat hlawh tak tak - CABIN, Thingserh, Mission, House No 109 siamtute zinga mi Johan Lalhmunmawia direct-na hnuaiah siam niin, David Zawma chu Asst. Director a ni. Scriptwriter hi Leitlang Pictures film hriat hlawh tak 'Thihna Nen Nikhat' tih ziaktu Lalhlimpuia Pachuau a ni a, Johan Pautu leh Mawitea Chhangte te chu Director of Photography an ni bawk.
The Ghost Hunter film -ah hian YouTube lama hriat hlawh tak; Lalrozuala Chawngthu, WHERE film atanga Zoram mipui hmelhriat Elvis Ngurchungnunga bakah, 'Ka U Liana' film-a a changtunu ber Esther Ralte te chu a changtu langsar an ni. Esther Ralte hian a role a hneh sawh thin a, tun tumah pawh hian mipui mit fukna tur a ni leh dawn. Anni bakah hian Mizo comedian tha leh lawm hlawh Mastea paw'n cameo role a play bawk.
Horror/Comedy lam hawi a ni dawn a, shooting hi Lunglei leh a chheh vel hmun hrang hrangah neih niin, Mizo mipui lawm zawng tak nuih tur tam leh phut zawk theihna chi a in pawlhsawp dawn a ni.
He film hi August thlaah tlangzarh theih tura ruahman niin, a ni tur tak erawh tihchian a la ni lo - Lersia Play App-ah dahchhuah a ni ang.