Aizawl: April ni 6, 2023-a Parliament Budget Session tiamchin awm lo a tihtawp (Adjourned sine die) hnuah Lok Sabha MP C. Lalrosanga chuan Union Minister of State for Home Nityanand Rai chu a pisaah hmuin, Mizoram chhim lama India leh Bangladesh inrina hrul kawng siamthat a tulzia a sawipui.

Mizoram MP chuan Tun hmaa Border Roads Organisation hnuaia kawng lo sial tawh te leh a hnua Central PWD-in a enkawl zuite pawh enkawl zui mumal a awm tawh lo a, a chhe tawh hle a ni tih a hrilh. Home Ministry Border Management in ramri kawng 88.58 km-a thui siamthatna hma a lak tur chungchangah MP Rosanga chuan tha tawka siamthat leh enkawl zui a tul thu a sawi bawk.

C Lalrosanga chuan Myanmar leh Bangladesh atanga Mizorama sahimna zawnga zo hnahthlak rawn tlan-lutte dawnsawn leh en-kawl chungchangah mihring dikna leh chan-vo humhalh zawnga ramri vengtu sipaite an awm zui zel a pawimawh thu Minister  hnenah chuan a sawi bawk a ni.