September 30, 2022; Mizoram Pradesh Congress Committee (MPCC) president Lalsawta'n ṭang puihna atan ramri pel rak a kal turin an inruahman tih sawiin, sawrkarna an chang a nih chuan ṭang pui tur leh ṭanna chang hrelo te, ṭan ngaihna hre tawh lo te tan an ding dawn tih a sawi.

Vawiin khan MPCC president room ah congress party election manifesto No. 1 'ṬANG PUIHNA' (Mizoram Economic Development Initiative 'MEDI') an tlangzarh chungchangah thuthar thehdarhtute kawmin, Lalsawta chuan ṭang puih tur an tam tih an hriat thu leh chung mite tan chuan an din tur thu a sawi.

"Lehkhathiam rual, kan sawrkar laia kawng hrang hranga kan lo puih tawh, tun a khaichhuah ngai tam tak an awm tih kan hria," tiin, "Ṭang puihna chu kawng laklawh a awm te khaichhuahna atan kan buatsaih," a ti.

Ṭan nachang hre lo, ṭang hleithei lo te pawh an hma vek tih sawi bawkin, "Kan zavaia hmalam pana tum mumal pakhat kan neih loh chuan kan dingchhuak zo lo ang tih kan hlau," a ti bawk.

Duh reng vang ni miah lo a, taksa leh rilru lama harsatna tawk mi engemawzat Mizoramah an awm thu te, chungte tan pawh chuan an ṭang puihna in bawm a la siamsak tho nia sawiin, "Ṭang puihna a tan ramri pel takin i kal teh ang kan ti a, mi harsa leh chhum chhiate lam aṭang ṭhin kan ni," tiin, nasa tak a information technology ṭhang karah, rualawhna tam tak a awm chhoh zel avangin, sawrkarin kawng a kawhmuh loh chuan harsatna an awm thei niin a sawi bawk.