ZALEN July 21, 2026 : Mizoram Pradesh Congress Committee (MPCC) chuan vawiin khan Vanapa Hall kawtah Centrala BJP Sawrkarin FCRA Amendment Bill Parliament Session a pass tura a phochuah duhlohna leh dodalna BLACK DAY an hmang.

MPCC Senior Vice President Lalnunmawia Chuaungo chuan Bill thar hian foreign contribution dawng turte certificate hnawlna leh appeal theihna a tihkhirh dawn avangin, Mizoram-a kohhran leh NGO hrang hrangte charity a tana in hmang, hospital, school leh hnuchham enkawlna te a nghawng nasa dawn tih a sawi.

AICC Mizoram in-charge Dr. Chella Kumar pawhin BJP sawrkarin Bill hi NGO leh minority-te a target tih a sawi a, FCRA hmanga din biak in, hospital, school leh welfare institution-te pawh a nghawng theih dawn avangin Congress-in an dodal zel dawn tih a sawi.

He hunah hian resolution paruk lungrual takin an pass a ni.

1. FCRA Amendment Bill, 2026 hi BJP kaihruai sorkar laipui in hnuk kir rawh se.

2. India rama Christian-te chunga hleilenna thleng thin ti tawp turin BJPkaihhruai sorkar laipui in hma la rawh se.

3. India rama Christian-te thlavang hauh turin Mizoram Chief Minster hipen chhuak ve tawh rawh se.

4. FCRA Amendment Bill, 2026 hi Christian-te tan a that loh em avanginhnuk let tura nasa taka nawr turin Mizoram Chief Minister hian Kohhranhruaitute, NGO hruaitute leh Political Party tin hruaitute sawm khawminPrime Minister hmuhpui rawh se.

5. FCRA Amendment Bill, 2026 hi Parliament-a putluh a nih hunahMizoram MP ten dodalna thu sawiin, vote thlak hunah pawh ‘hai’ mai loin, a dodal zawng ngeiin vote thlak rawh se.

6. Mizoram Legislative Assembly-a FCRA Amendment Bill, 2026 dodalnaresolution pass a nih theih nan Mizoram sorkar in Special Assembly korawh se.