October 20, 2023; Mizoram People Forum (MPF) Gen. Secy. Rev Lalramliana Pachuau chuan, Rahul Gandhi lokal ni ah MPCC lam te kawngzawh lo turin an insawi niin thuthar thehdarhtute a hrilh.

Vawiin a thuthar thehdarhtute leh MPF hruaitute Aizawl Press Club a an inkawmna ah zawhna chhangin he thu hi a sawi a, MPF GS chuan, Rahul Gandhi lokal turah MPCC hruaitute'n mipui nawlpui ang a kawngzawh an neih loh tur thu te leh ruahmanna an neih hrang hrangte ziakin MPF ah an thlen tih a sawi.

Hetihlai hian public meeting neihna ah erawh MPF lamin a kaihhruai hna an thawk niin Rev Lalramliana Pachuau chuan a sawi a, MPF leh political party te thawhhona thuthlungah chuan inthlan puan hnuah kawngzawh neih phal a nih tawh loh thu a sawi bawk.

Vantlang inkhawm erawh Thawhhona Thuthlung ah rem tih tlan a ni a, MPF lamin an kaihhruai tura tih thu awm sa a nih vangin Rahula lo kal tuma vantlang inkhawm chu MPF in an kaihhruai tih an sawifiah bawk.