Aizawl February 2, 2023: MPCC chuan Mizoramin Group of Twenty (G20) Business Meeting pawimawh a thleng chu lawmawm an ti a, Haw ker te ni thum ngawt inpho thei lova an dawr an khar tir erawh an hriatthiam loh thu thuchhuah an siamah an tarlang.

Congress party chuan G20 Business Meeting chu Mizoramin hlawkna lian tak a neih theih an beisei tih an sawi a, chutih rualin, MNF sawrkarin G-20 palai lo kal mikhualte kalna tur kawngpui dunga nitin eichawp zawng, dawrkai Hawker-te March ni 1 atanga ni 3 chhung an inpho a khap hi nitin eichawp zawng, mi harsa leh rethei zawkte rahbehna dik tak a ni, an ti a, Nihna dik tak thup tuma hetianga mi harsa zawkte sum lakluhna tikhailak zawnga hmalakna hi hriatthiam theih niin an ngai lo.

MPCC chuan, "Mizoram hian khual tha chi hrang hrangte, meeting pawimawh tak takte pawh a lo thleng tawh thin a. Tun anga mi rethei zawkte rah behna hi a la thleng ngai lo. Hun lo kal leh zel turah pawh thleng tawh lo se kan duh a ni. Mizote hi kan nihna ang taka kan lanchhuah ngam a ngai zawk niin kan hria a, chu chu Mizoram tan a tha zawk niah kan ngai a ni," an ti.