ZALEN May 28, 2026: Vawiin chawhma dar 11 khan Synod Committee Room- ah Mizoram People Forum ( MPF) Governing Board an thukhawm a, Rev John Raldosanga, President in a kaihruai. Meeting ah hian Rev Lalramliana Pachuau, General Secretary in MPF hmalakna Report a pe. 

April 21, 2026- a Aizawl Municipal Corporation ( AMC) Inthlana MPF chet velna leh hmalakna te thlirletna neih a ni a. Inthlanna thianghlim neih a nih theihna tura Local Forum leh Constituency Forum te theihtawp chhuah a an huamchhung hneh taka an vil chu lawmawm a ti a. Hmun thenkhatah MPF leh Political Party Thawhhona Thuthlung hriat chian tawklohna te pawh a la awm niin a lang a. Chutihrualin inthlanna tluang taka buatsaih a ni chu lawmawm a ti bawk.

Kumin chhova MPF hmalak dan tur ruahmanna te sawiho a ni a, thalai leh zirlaite hnena Sawrkar tha ( good governance) pawimawhna inzirtir te, Media chakna hman tangkai te bakah kawng hrang hranga hmalak dan tur te sawiho a ni.

Heng bakah hian November 6,2026 a MPF Annual General Meeting neih turah ruahman lawk ngaite pawh a tul anga bawhzui nise an ti bawk.