ZALEN Nov. 25. 2025: Vawiin ni 25.11.2025 (Thawhlehni) zing dar 7 khan Synod Committee Room No.1 ah Mizoram People Forum (MPF) Governing Board meeting neih a ni a, President Rev RC Lalnghakliana’n a kaihruai. 

Meeting ah hian Rev Lalramliana, General Secretary in hmalakna Report a pe a, Vanlalthanga, Finance Secretary hnen atangin sum dinhmun ngaihthlak a ni. 

Meeting ah hian Kum 2025-2026 chhunga MPF President atan Rev John Raldosanga, Mizoram Presbyterian Church ( MPC) chu thlan a ni a. Kum 2026-27 chhunga MPF General Headquarters Budget atan Rs.14,18,000.00 ruahman a ni bawk. 

Kumin chhunga MPF Office khar hun atan December 22,2025 leh kumthara Office hawn hun atan January 8, 2026 ruat a ni bawk. 

MPF Annual General meeting hi December 18, 2025 ah Vanapa Hall ah neih tura ruahman a ni bawk. 

Meeting ah hian tunhnaia Dampa Constituency a Bye- Election neih a MPF hmalakna te thlirletna hun hman a ni.

#ZalenNews