ZALEN August 10, 2026: Vawiinah khan MZP bultumin MPSC office kai tur dan a ni a, an thil phut a hlawhtlin hma chu Peaceful Protest neih chhunzawm zel an tum.

MZP chuan thuchhuah siamin MPSC Chairman leh Secretary bakah officer leh staff te chu MPSC Office–ah Police tha chakna hmangin luh luih an tum tih an sawi a. Police ten kawngka hawnsakin MZP ten luh phal loin an dang a, Police te leh zirlaite hi an innawr buai a ni.

Police ten zirlaite chungah tharum thawh an lantir chu an dem thu MZP hian sawiin, an thil phut te a hlawhtlin hma chuan hma an la zel dawn tih an puang.

MZP chuan One Time Registration (OTR) chu tihtawp an phut a, a tul dan azira application form siam ni se an ti bawk a. OTR a document upload kim loh avanga reject zawng zawngte offline-a document te thehluhna hun siamsak an phut a. Written exam-a tling tawh, OTR a document upload kim loh avanga reject tawh te tan offline-a document thehluhna hun siamsak an phut bawk a. Mizoram Public Service Commission (MPSC) kalphung siam that vek phutin, sawrkarin reform committee/commission din se tih an phut bawk.

Tarlan tawh angin August 6 leh 7 ah khan MZP chuan “MPSC Chhanchhuah Hnatlang – Peaceful Protest” chu MPSC Office tualah an lo nei tawh a ni.