Aizawl: Health & Family Welfare department kumina Mizoram puma Measles Rubella (MR) Vaccination Campaign kalpuiah vaccine pek tur zata ruahman naupang 324180-ah 323917 chu vaccine pek niin zaa 99.92 pek an ni. MR Vaccine hi district 4 ah pek tura ruahman zat (target) an pha lo a, a dang 5 ah chuan target an khum vek ve thung a ni. District 9 anga a lan chhan hi department lamin Aizawl bik chu East leh West-ah an then a ni. Target khumna hi Aizawl West ah mi 48306 pek tura ruahmanah a aia tam mi 48790 pek an ni a, Mamitah 25612 ruahmanah mi 25784 an pe a, Kolasibah mi 25388 ruahmanah mi 25784 an pek niin Lungleiah 42328 ruahmanah 42575 pek an ni bawk. Siaha district-ah chuan pek tur zat ruahman mi 18067 niin mi 18203 pek an ni a, za zela chhutin khum sanna ber a ni. Target phak lohnate hi Aizawl East (pek zat - 99.36%), Champhai (99.38%), Serchhip (96.98%) leh Lawngtlai (98.94%) te an ni. Naupang MR vaccine pekte hi mipa 164299 niin hmeichhia 159618 an ni.