DOWNLOAD OUR APP

Read latest news on your phone
app-store

MRB in Vbc 24 hlep

Oct 16, 2016

MRB in Vbc 24 hlep

Aizawl: Mizoram Rural Bank chuan tun dinhmunah Branch 79 an nei mek a, kum kalta 2015-16 chhung khan hlep Rs. vaibelchhe 24 an nei bawk. MRB in Account holder te deposit a dawn zawng zawng chu Rs. vaibelchhe 1517 niin, Loan atana an pek chhuah zawng zawng chu Rs. vaibelchhe 865 lai a tling bawk a. Kum 2015-2016 chhung khan MRB in a pumpuia hlep a neih zat chu vaibelchhe 24 tlingin, chhiah pek tur zawng zawng pek a nih hnuah an hlep chu vaibelchhe 16 a la tling a; MRB ah thawktu mi 340 an awm mek bawk. MRB a Account neiten ATM Booth atanga pawisa an lakchhuah theihloh thin chung changah MRB thawktute chuan ATM a pek chhuah tirha ATM atanga draw theih tura Reserved Bank of India (RBI) in a phalsak zat chu ni khatah nuai 40 chauh a ni a. Hun engemaw chen hnuah RBI chuan ni khatah vaibelchhe 2 a phalsak leh a, hei hi MRB ATM Card nei ten an duhkhawp loh em avangin nikuma RBI hotu lian lo kalte hnenah khan tihpun an lo dil a, RBI chuan ATM atanga lakchhuah tur hian MRB chu nitin vaibelchhe 4 dah a phalsak ta a, hemi hnu hi chuan MRB ATM card nei tena pawisa draw theih loh an hre khat ta hle tih an sawi a. Sawrkar hnathawk hlawh lak runpui lai leh phailama lehkha zir ten an hman nasat lai engemaw khaihlak a awm zauh tihloh chu harsatna an tawk khat hle niin an sawi. MRB ATM Card chu thla khat chhungin a thlawnin vawi 5 a hman theih a, vawi nga aia tam hman chuan vawi khat hmanah Rs. 20/- zel chawi a ngai a; pawisa draw kher lova balance check pawhin vawi nga piah lamah chuan chawi a awm vek tih MRB Staff te chuan sawiin, ni khatah MRB ATM atangin Rs. 25,000/- thleng lak theih a ni tih an sawi bawk.
Share now