ZALEN August 13, 2026 : Mizoram State Commission for Protection of Child Rights (MSCPCR) chuan thuchhuah siamin naupang kaihhnawih pawikhawihna a thlenin an hming, thlalak, veng leh khua anmahni chhui chhuah theihna thehdarh lo turin mipuite leh media-te an ngen.

MSCPCR chuan POCSO Act, 2012 Section 23-in a khap angin, hursualna tuartu emaw, a tisualtu emaw naupang nihna chhui chhuah theihna tur thil engmah puang chhuak lo turin an ngen a.

Tunhnaia Assam, Cachar District-ah Mizoram mi kumtlinglo pahnih rukbo leh pawngsual an tawh chungchangah pawikhawihtute man thuai chu Commission chuan lawmawm an tih thu atrlangin, dan anga an chungthu rel fel thuai turin Assam State Commission for Protection of Child Rights (ASCPCR) pawh hriattir a nih thu an sawi.

Pawl hrang hrang ten Sawrkar laka lungawilohna leh nawrh an huaihawt thinah zirlai, kum tlinglo an tel tir thin hi naupangte hmakhua leh an tana tha ber (best interest) a nih loh avangin hetiang nawrh leh lungawilohna lantirna reng rengah naupangte hmatheh tawh lo turin an chah bawk a ni.