ZALEN 3 september, 2024 : MNF chuan vawiin (3.9.2024) khan Aizawl Press Club-ah Press Conference neiin Dan kalha ruat Mizoram State Commission for Women(MSCW) Chairperson Pi Lalchhandami d/o Hranghrima (L) chu September ni 9, 2024, tlai dar 5:00 hma ngeia bang turin an phut a, a bang lo a nih chuan a tawp thlenga hmalak an tum.

MNF Legal Board chuan (MSCW) hi Mizoram State Commission for Women Act, 2004, Rules 5(1) hnuaiah Chairperson atan kum 65 pel tawh chu ruat theih a nih loh thu chiang takin a inziak tih sawiin, Pi Lalchhandami hi March ni 8, 2024 khan Chairperson atan ruat a ni a, sawrkar document hrang hrang leh Kohhran Record-ah te kum 68-nâ a hmang mêk tawh tih chiang takin a lang a ni an ti.

Hetiang thil dik lo langsar tak hi ZPM Sorkar hian tihdik tum lova, Zirlai Pawl leh Assembly House-ah meuh pawh puanchhuah a ni tawh chung pawh a, engti kawng maha hma an lak loh vangin MNF chuan loh theih loha ngaiin he mawhphurhna hi Zoram mipuite tan leh a bik takin hmeichhiate tan hma an lâk thu an sawi.