MSL final game 1-ah champion lai BCA ngamtu TBL

Mizoram Super League final game khatna chu zanin khan khelh a ni a, Khatla TBL lakah champion lai Zarkawt BCA te 87-65 in an tlawm. MSL Finals hi Best of Three Series hmangin chak zawk zawn tur a ni ang.

Inkhelh tan a ni a, zan dang angin Zarkawt BCA lam an che hleithei lo. Khatla TBL erawh quarter khatna atangin an khel tha nghal a, 21-14 zetin TBL lam hian an la. Quarter hnihnaah pawh Zarkawt BCA lam hi an la insiam tha thei chuang lo va, point 14 bak an thun thei lo. Khatla TBL erawh an khelh a danglam teh chiam lo thung a, point erawh score tlem deuhin point 18 an thun. Chawlhlawk hamrik a rik meuh chuan TBL lam chu BCA aiin point 11 daihin an sang tawh zawk.

Quarter thumna an tan a, BCA lam an la insiam thei chuang lo. Point 11 bak an thun thei lo. TBL erawh an phur zual emaw tih mai turin point 27 zet an score thung. Quarter tawp berah hian BCA chuan point 26 zet an rawn thun ve naa TBL lamin point 21 an thun ve tho vangin BCA lam tan chak ngaihna a awm tawh lo.

Final-ah hian TBL tan Mizo tlangval an chetha hle a, K. Lalthianghlima chuan point 25 zet a thawkchhuak a, Vanlalthazuala'a point 19 score-in Michael Liansanga'n point 16 a thawkchhuak ve bawk.

Zarkawt BCA lam atangin dan pangaiin an midum Joseph Allen chuan thawhhlawk leh berin point 20 a thawkchhuak a, Lalrina Renthleiin point 17 score-i'n Lalhnehpuia Chhakchhuak-i'n point 12 a thun ve bawk.

Total Period 1 Period 2 Period 3 Period 4
Khatla TBL 87 /21 /18 /27 /21
Zarkawt BCA 65 /14 /14 /11 /26