ZALEN July 17, 2026 : Mara Students' Organisation (MSO) General Headquarters, Siaha te chuan vawiin khan MADC Office bulah Sit-in Demonstration hmangin an lungawi lohna an lantir.

MSO General Hqrs., Siaha ten Sit-in Demonstration an neih chhan hi MADC hnuaia Recruitment Board kaltlanga sawrkar hnaruak hrang hrang advertisement tihchhuaha lak, written leh interview exam pawh zawhfel vek tawh a nih hnuah pawh tun thlenga appointment order la chhuah a nih loh vang a ni a, hriatthiam har an ti.

MADC hotute hnenah appointment order chhuah tawh tura ngenna an siam tawh hnuah pawh chhanna tha an hmuh loh avangin Sit-in Demonstration hi buatsaih a ni thu an sawi. An ngenna leh phut hi tihhlawhtlin a nih loh chuan, MADC Monsoon Session lo awm tur pawh MSO Hqrs. chuan dan an tum thu an sawi bawk.

MADC hnuaia sawrkar hnathawkte chu thla khat leh a chanve chhung hlawh la lovin an awm mek tih an hriat thu MSO chuan an sawi a. Hlawh chungchanga indaih lohna awmah hian MADC BJP sawrkar chuan, Mizoram sawrkar atangin R.E sum an dawn loh vang a ni an ti thung.