Aizawl: Mizo Students’ Union chuan School Education Director atan IAS ngei dah an phut.

Mizo Students’ Union General Headquarters, Aizawl chuan Zirtawpni  khan MSU Pisa Puiah Executive Meeting neiin an presidenrt, Samuel Zoramthanpuia’n a kaihruai a. Meeting chuan School Education Department Director atana Mizoram sawrkarin MCS a dah chu tha lo a ti hle a, School Education Director post hi IAS AGMUT Cadre post a ni a, danin a phut angin School Education Director atan hian IAS ngei dah a nih theih nan MSU chuan a tawp thlenga hmalak ni se, an ti. 

MSU chuan School Education Director-te hna an thawh rei tak tak hmaaa sawn kual reng mai chu tha an ti lo va, School Education Director atan an dahte hun rei zawk an thawh theih nana thlak kual reng lo turin Mizoram sawrkar an ngen bawk.