ZALEN Feb 16, 2026: Vawiin khan Mizo Students’ Union (MSU) General Headquarters, Aizawl hruaitute chuan Mizoram Budget Session lo awm tur chungchangah Party hrang hrangte hnenah lehkha an thehlut. 

MSU hruaitute chuan College zirlaite Study Tour Fund Rs. Nuai 50 Mizoram Budget a awm chu Rs. Nuai 150 a tipung turin Mizoram sawrkar an lo ngen tawh ṭhin a. Hei hi ziakin Chief Minister hnenah February ni 7, 2025 khan an lo thlen tawh a ni.  

Naktuk ni 17.02.2026 atanga tan tur budget sessionah hian Rs. Nuai 50 aṭangin Rs. Nuai 100 a tipung turin chhawpchhuah a ni dawn a. Hei hi an lawm viau rualin tun dinhmunah hian Mizoram sawrkar College-ah zirlai 13,553 lai an awm tawh a, college zirlai pakhat hian Rs. 737 bak an la chan theih dawn loh avangin, bei tham hlein MSU chuan a hria a. Hemi avang hian Rs. Nuai 150 chu MSU dinna a ni tih hria a, Party anga thlawpna an ngen a ni.

MSU hruaitute hi ZPM Party aiawhin VL Zaithanzama MLA chuan a lo dawng a, MNF Party aiawhin Vanlalzawma Vice President chuan a lo dawng. MPCC aiawhin Lal Thanzara President chuan lo dawngin, BJP aiawhin party President Dr. K. Beichhua chuan MSU hruaitute hi a lo dawn sawng.

#ZalenNews