ZALEN July 8, 2026: Mizo Students’ Union (MSU) hruaitute chuan Mizoram Scholarship Board Under Secretary Joseph L.Hauhnar chu vawiin khana an hmu a. Scholarship sem hun tur chungchang an zawt fiah.

Scholarship Board Under Secretary chuan Scholarship 2025-2026 sem tur chu Central atanga Mother Sanction cheng nuai sing li za sarih sawm sarih panga (Rs.40775 lakhs) chu Ni 23.06.2026 khan an dawn tawh thu a sawi a. Mizoram sawrkar lama tihfel ngai te tihfel thawkhat tawh anih tawh thu leh July 15, 2026 (Nilaini) ral hma hi chuan sem tan hman an inbeisei thu a lo hrilh a ni.

MSU chuan Mizo zirlai Scholarship dilte chu Bank Account leh Aadhar te a in thlunzawm (seed) felfai em tih lo endik turin an chah a. Zirlai te’n Scholarship an dawn zat tur pawh mahni Institution-a Scholarship buaipuitute (Nodal Officer) hnenah zawtin, lo ngaihven vek turin, scholarship an dilna account te lo khawih che a, lo ti nung tha vek turin zirlai te an chah bawk a ni.