Mizo Students' Union (MSU) General Headquarters buatsaih Miss Multimedia 2023 thlanna chu zawh fel a ni ta a, Gov't Johnson College zirlai Lalnunsiami chu winner a ni. 

Pahnihna chu Women's Polytechnic zirlai Zosangzuali a ni a, pathumna chu C. Lallawmzuali, Gov't T. Romana College a ni. MSU Miss Multimedia hi 2020 atang khan thlan tan a ni a, kumin hi a vawi thumna a ni. MSU Miss Multimedia hmasa ber hi Gov't Hrangbana College zirlai Lalhlimzuali a ni a, Gov't Johnson College chu record nei tha ber an ni thung. Lalnunsiami hma hian C. Lalhmangaihzuali chu MSU Miss Multimedia atan hian thlan a lo ni tawh bawk - a kum zawnin winner an nei tihna a nih chu. 

Miss Multimedia 2023 atana thlan Rawpuichhip nula Lalnunsiami hi ZOFEST 2022-ah khan ZOFEST Lady atan thlan a lo ni tawh bawk.