ZALEN February 19, 2026 : Mizoram Transformation Movement chuan Aizawl khawpui chhung traffic tawt ti ziaawm tur a motor intlan chhawkah two wheeler intlan chhawk ve reng mai chu ngaihtuah nawn a tul hle in an hria.

Thuchhuah siama an tarlan danin MTM chuan two wheeler intlanchhawk ni siam a ni hian mi rethei leh harsa zawk, eizawnna hmuna kal ngei ngei ngai tan leh college zirlaite tan thlengin harsatna a siam niin an sawi a. Lirthei ke pali nei intlanchhawk hi tihtawp theih a nih rih loh pawhin, two wheeler intlanchhawk tal hi chu a rang thei ang bera ti tawp turin sawrkar an ngen.

An ngenna hi Superintendent of Police (SP) Traffic hnenah February ni 17, 2026 khan an thehlut tawh tih an sawi. MTM chuan two wheeler intlanchhawk ni awm hian two wheeler pung nasa lutuk a siam bakah two wheeler tlan loh ni a nih avanga lirthei ke pali nei lek chhuah ngai a siamin traffic a ti tawt zawk thei niin a lang, an ti bawk.