ZALEN, Dec. 05, 2024: Muaythai Association of Mizoram (MAM)-in kum 20 a tlinna pual leh nakuma national championship-a khel phak tur zawnna ni bawk, 20th Anniversary Mizoram State Muaithay Championship chu khelh mek a ni.

MiZBA Boxing Hall, Ramhlun Sports Complex-a inelna hi Thawhlehni atanga tan kha niin player 72 an chhuak a, Zirtawpni hian a kharna hman a ni dawn.

A kharnaah hian MAM hian kum 20 an tlin denchhen hian international level-a medal la phak leh world championship-a India aiawha medal la phak chin an neihte an chawimawi nghal dawn a. An hruaitu hluite bakah khawvela muaythai khawvela thuneitu sang ber, International Federation of Muaythai Associations (IFMA) referee & judge an neih mi pathumte an chawimawi bawk ang.

2025 National Muaythai Championship-a Mizoram aiawh tur thlanna tur inelna an kalpui rual hian MAM hnuaia referee & judges training an huaihawt nghal bawk.

Inelna hi Dr. Lalhmuchhuaka, Vice President, Mizoram State Sports Council (MSSC)-in hawngin a kharna hi Minister B.Lalchhanzova’n khuallian niin a hmanpui thung ang.