ZALEN June 11, 2026: Health Minister Lalrinpuii hovin vawiin khan Mizoram Health Care Society-in ISO Certificate a dawn leh AB PM-JAY Award pahnih a dawn lawmna chu SAD Conference Hall, MINECO-ah neih a ni a, Minister chuan heng lawmman dawn a nih theihna atana thawktute inpekna fakawm a tih thu a sawi.

Lalrinpuii chuan Mizoram Health Care Society ten ISO certification a dawn leh AB PM- JAY Award chi hnih an dawng thei chu thawk tute thawhrimna leh inpekna avang anih thu sawiin, Mizoram Universal Health Care Scheme atan kumin 2026-2027 atan sawrkarin Cheng Vaibelchhe 130 dah a ti.

Health Care Society-in ISO Certification leh AB PM -JAY hnuaia award chi hnih a lak lawmnaah hian Health Minister Lalrinpuii chuan, MUHCS 2.0 kalpui mekah Empanalled damdawiin te chu damlo in enkawlna bill siam kawngah dik tak a siama, bill felhlel siamlo turin a ngen a, bill fel taka siam turin a hrilh. MUHCS chu Mizoram mipui tan scheme thlamuan pui thlak ni turin mipui support na a ngen tih Lalrinpuii chuan a sawi bawk. 

Health Minister chuan MUHCS 2.0 la zawm remchang ve lo damdawiin te biak pawh reng an nih thu sawiin, "Min lo zawm ve ngei turin kan beisei," a ti a, MUHCS chungchanga hriatfiah duh neite tan pawn engtik lai pawh a biak theihna tur MUHCS Chhawntu (call center) an din a, mipuiten an hriatfiah duh te an zawt thei reng a ti bawk. 

Lalrinpuii chuan MUHCS 2.0 hnuaiah damlo inenkawlna bill Cheng Vaibelchhe 22.16 pek chhuah tawh a ti a, Mizoram chhunga empanelled hospital-a damlo enkawl nan vaibelchhe 13.45 hman a nih tawh thu leh state pawna empanalled damdawiin a damlo in enkawlna bill Vaibelchhe 9.20 Health Care bill pek chhuah tawh a ni tawh a ti. 

Mizoram Health Care Society CEO Dr Lalhriatzuali Ralte chuan MUHCS 2.0 hnuaia inziaklut te engemaw vanga laklawh thil a awmah, ICU luh nghal ngai te, damlo zai nghal ngai nunna atana hlauhawm bik leh accident na zual nunna atanna hlauhawm bik ah te Empanalled damdawiin nilo Non- Empanalled hospital pawh nise hman theih anih thu a sawi bawk. 

Mizoram Health Care Society in ISO Certification leh AB PM- JAY award chi hnih lakna lawmna neih ah hian Health Dept officials te, World Bank hotute bakah Mizoram Journalists Association Member te an tel a ni.