ZALEN, September 08, 2025: April 1, 2025 atanga hman tan, Mizoram Universal Health Care Scheme (MUHCS) hnuaiah tun thlengin damlo inenkawlna Rs. 42,06,73,812 tumsak tawh an ni.

Thawhtannia Health & Family Welfare Minister Lalrinpuii’n Mizoram State Healthcare Society (MSHCS) official website, mshcs.mizoram.gov.in a tlangzarhnaah Dr. Lalhriatzuali Ralte, CEO, MSHCS-in MUHCS hman tan a nih atanga an dinhmun a tar lang.

Dr Hriatzuali chuan MUHCS hnuaiah Mizoram chhung damdawi inah mi 30,565 inentirna tumsak tawh niin Mizoram pawnah mi 698 inentirna tumsak tawh a ni tih a sawi a. Mi 31,263-te inentirna man atana Rs. 42,06,73,812 hman a ni tawh tih a sawi. 

Mizoram chhungah empanelled private hospital 11 leh private day care centre pathum an awm thu a tar lang a. Mizoram pawnah empanelled hospital 25 leh deemed empanelled hospital 13 an awm bawk tih a sawi bawk.

Website tlangzarhtu, health minister pawhin MUHCS chu hlawhtling taka kalpui a nih zel thu leh chhawr tangkai tam tak an awm tawh thu a sawi a, “Cashless system hman a nih avangin chhungkaw tam tak phurrit a chhawk,” a ti.

Website hi MUHCS chungchanga zawhna awm thin te, empanelled hospital awm zat te, a kalphung leh a chungchanga thuthar apiangte chu dah nghal zelna tur a ni.