ZALEN, June 16: Mumbai International Film Festival (MIFF) chu nimin June 15, 2024 atang khan tan a ni ta a, Mizoram atang pawhin thalai mi eng emaw zat an tel. A tir atanga tel tur hian mi pali an kal a, tluang takin an thleng. Kal zingah hian Mart Khiangte (film director) leh Tommy Rosangliana (actor) te pawh an tel a ni. 

He International Film Festival chhim tur hian tunkar hian midang panga vel an kal leh dawn bawk niin ZALEN chuan thu kan dawng. Information and Public Relation Department official bakah, film siam lama tui tak takte an kal dawn a ni. 

MIFF hi kum 1990 atang khan kalpui tan a ni a, kumin hi a vawi 18-na a ni. He International Film Festival hi Mumbai Academy of Moving Image (MAMI) ten an buatsaih a ni a, India rama Film Festival ngaihhlut ber zinga mi a ni.