Aizawl: Mizoram State Museum chuan Museum week an hman chhung February 19-23,2018 inkar chhung khan tlawhtu 5468 an awm.Mizoram State Museum thawltute hnen atanga Zalen thudawn danin week an hman chhunga Museum tlawhtu te hi naupang 3001, puitling 1917 leh zirlai 550 an ni. Mizoram State Museum ah hian Textile, Ethnology, History, Anthropology, Natural History leh Archeology gallary te awmin object 3,757 dah a ni a, chung zinga 933 chu show case hrang hrang 107-ah pho chhuah a niin a bak zawng chu reserve collection-ah dah a ni. Tribal Museum, Ranchi, Bhopal Museum leh Silpigram Museum-ahte objects eng emaw zat an pe (donate) tawh bawk. Mizoram State Museum hian 2016-17 sawrkar kum chhung khan tlawhtu mi 10,147 an nei a, museum en man atangin sawrkarah Rs. 64,000 an chhûng lut. Kumin January atanga Zirtawpni thleng khan tlawhtu mi 8536 an awm tawh bawk a ni.