ZALEN, Oct. 24, 2024: Mizoram Volleyball Association (MVA) buatsaih, MUCO Bank Ltd. MVA Invitation Tournament 2024 chu mipaah semifinal khel tur a chiang ta a, hmeichhiaah final-a inhmachhawn tur a hriat ta bawk.

Thutak Nunpuitu Team (TNT) hmunpui, Muanna Veng, Aizawla inelna nghahah hian mipa team ruk inelin pool hnihah then an ni a. Pool khata awmte an inkhelh kual hnuah Pool A atangin Tuichangral Volleyball Club leh Khawbel Volleyball Club chu a sang pahnihah telin semifinal an lut.

Pool B-ah inelna thlengtu, TNT Volleyball Club leh Chhinga Veng Spikers chuan semifinal an lut ve thung.

Zirtawpni tlai dar 3:00 atangin mipa semifinal hi khelh a ni dawn a. A hmasa zawkah Tuichangral leh TNT an inkhel ang a, Khawbel leh Chhinga Veng Spikers an inkhel zui ang.

Hmeichhia erawh team thum chauh inlanin an inkhelh kual hnuah a sang pahnih, Luangmual Volleyball Club leh Kolasib Volleyball Club chu final-ah an inhmachhawn nghal ang.

Final hi Inrinniah khelh a ni dawn a, hmeichhiain khel hmasain mipain a zui dawn a ni.