Mizoram Volleyball Association (MVA) chuan district volleyball association-ten an rawt chhuahte tan Nilaini atang khan Referee Clinic & Examination a buatsaih a, Zirtawpni thleng a awh ang.

Tuikual Indoor Stadium-a Referee Clinic & Examination neih mekah hian district hrang hrang atangin mi 25 an tel a, resource person atan Lalduhawma Hnamte, National Referee leh Lalmuanpuia, State Referee-te hman an ni.

Referee Clinic & Examination hi C. Lalrokhuma, General Secretary, MVA-in hawngin player-ten hmasawn turin ni tin an practice a, match official-te pawhin hmasawn turin theihtawpa theory leh practical-a inzir chu an tih ngei ngei tur a nih thu a sawi a, training-te chu Mizoram volleyball tihmasawntu turte an ni tih a sawi bawk.

Puitea chuan, “Referee nih chu a zahawm a, player-te zah phua nungchang zahawm neih a ngai bawk a. Huaisen leh rilru dik put a ngai a, eizawnna satliah a ni lo,” a ti a. “Chutiang tur chuan referee-te chu an inbuatsaih ang a, Mizoram volleyball hian district hrang hrang leh Mizoram pumah hma a sawn zel dawn a, a sawn mek zel bawk a ni,” a ti.

H. Vanlalngura, Treasurer, MVA & chairman, technical kaihruai inkhawm tawiah hian Henry MS Dawnga, Secretary, Technical, MVA-in report pein Donald Lalthanmawia Khawlhring, Vice President, MVA-in referee exam turte fuihna thu a sawi bawk.