DOWNLOAD OUR APP

Read latest news on your phone
app-store
MWA-in a thlawna wrestling zirna kalpui mekin ngaihhlut a hlawh
Aug 12, 2023

Mizoram Wrestling Association (MWA) buatsaih, Non Residential Coaching Programme, a thlawna wrestling zirna chu August 1 atanga buatsaih chuan hlut a hlawh a, Aizawl mai bakah district dang hmun ngaah kalpui mek a ni.

Tun dinhmunah Aizawla MWA-in a thlawna Ramhlun Sport Complex Wrestling Hall-a wrestling zirna a buatsaihah hian ngawrh takin mi 20 chuangin inchai an zir mek a ni.

Mizoram State Sport Council (MSSC) hnuaiah tunah hian Saidan Wrestling Hall-ah H.Lalhmingmawii, National Institute of Sports chhuak leh Lalrempuia, wrestling trainer te hnuaiah ngawrh takin wrestling practice reng a ni a, tlai tin naupang 30 velin an zir a ni.

MWA-in district wrestling association a hawn thar, Mamitah pawh MWA Technical Member, Zorelliana, hnuaiah naupang 40 velin inchai an zir mek bawk.

Serchhip district chhungah pawh hmun thumah wrestling zirna hawn niin East Lungdarah MWA Technical member, Lalrinchhana'n training a neihpui a. Thenzawlah Lalhruaizela leh Serchhipah Raymond Lalthansanga hova ngawrh taka zirna kalpui a ni a. August 15 atangin Saitualah PC.Rodingliani kaihhruainain training tan tur a ni bawk a ni bawk.

Ruahman lawk dan chuan September chawlhkar hnihna atang hian Aizawl District Wrestling Association chuan Aizawlah championship buatsaih tumin ruahmanna ngawrh takin an kalpui mek a. September thla tawp vek hian MWA chuan Kolasib ah Inter District Wrestling Championship a buatsaih dawn bawk.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh