ZALEN September 3, 2026: Serchhip district-ah ruihhlo do hna kalpui mekah nimin khan Lalpanliana, kum 29, s/o Valhrechina, Falam, Myanmar hnen atangin Methamphetamine kg 14.26, cheng vaibelchhe 11.408 man hu man a ni.

September ni 1, 2026 tlai dar 4:30 khan agency dangte hnen atangin East Lungdar bial chhungah Methamphetamine ruihlo phur nia rinhleh an awm thu dawn a ni a. 

Serchhip Sub-Divisional Police Officer Lalrinzuali leh NCB Intelligence Officer Dulal Paul kaihhruai Joint Operations Team - Narcotics Control Bureau (NCB), Field Office Aizawl (under Agartala Zonal Unit), DSB Serchhip DEF, leh CID (SB) te chuan rang taka bawhzui nghalin, September 2, 2026 zan dar 11:30 khan Tuichang Lei (bridge) atanga km 5 vela hlaah ruihhlo leh a neitu nia rinhlelh hi an man a ni. 

Ruihhlo hi Brick packet 15 niin, tablet 1,50,000 a awm a; NCB chhut danin a hralh sum hlut zawng (market value) hi cheng vaibelchhe 11.408 a tling ni. He case hi NCB-in a chhui zui dawn a ni.