November 14, 2023; Mizoram Police-in dan loa ramri kan Myanmar sipai 39 te chu nimin khan an man a, Zokhawthar PS ah dah an ni.

CCN News, Champhaiin a tarlan danin, PDF in Rih leh Khawmawia Myanmar Sipai Camp an luhchhuah a, nimin tlai khan Myanmar sipai 39-te chuan Ramri kana India ram an rawn luh avangin Mizoram Police-in an man a, heng mi 39-te hi Zokhawthar Police Station-ah dah mek an ni.

Heng sipai te chungchanga hmalak dan tur hi sawrkar hotute’n an ngaihtuah mek a, India sawrkar hian a hum dawn nge a push back dawn tih chu an thutlukna duhthlan tur a nih a rinawm.

He inkahnaah hian Mynmar sipai thi zat la hriat chiah lo mah se, Mizorama rawn lut te bak chu an thih vek rin a ni a, Rih leh Khawmawia Myanmar Sipai Camp-ah hian mi 60 vel ve ve an awm ni-a hriat a ni.

PDF sipai lam hi hriat theih chinah mi 8 an thi tawh a, civil mi 1 a thi bawk a, PDF sipai mi 18 hliamin civil mi hliam mi 2-te nen Mizoram damdawi inah enkawl an ni.

Sipai camp awmna khaw pahnih Rih leh Khawmawi mipuite chu sahimna zawngin Zokhawthar, Mizoramah an rawn tlan chhia a ni.