Aizawl: Nimin  khan Mizoram Youth Commission  Office, New Secretariat Complex, Khatla, Aizawlah Jet Airways Cabin Crew interview final round neih a ni a, final round thleng  pha mi 12 atangin Mizoram nula 5 chu Jet Airways Air Hostess atan lak an ni. Heng Mizo nula mi panga te hian Medical fitness certificate leh Police verification an tihfela an theh luh hnuah Jet Airways Academy, Mumbai-ah training tura koh an ni dawn a ni. Mizoram Youth Commission chairman Joseph Lalhimpuia’n  Jet Airways hotute a lo sawipui tawh angin, Jet Airways Cabin Crew Recruitment hi August 2018 emaw, September 2018 ah Mizoram Youth Commission Office, Aizawl-ah neih leh tum a ni.