Nimin khan Hotel Regency Conference Hall-ah Mizo Zaimi Inzawmkhawm Pawl Gen.Hqrs. buatsaihin zaithiam ten zai lawmman bithliah chungchanga inrawnkhawmna 'consultation meeting on minimum wages for Singers and Bands' neih a ni. Inrawnkhawmna ah hian MZI hruaitute chuan state danga zai mite dinhmun thlirin leh zai tura an inbuatsaihna hau tak zia ngaihtuahin Mizorama zai mite dinhmunin duhthu a sam lo hle tih an sawi a, hei vang hian rate mumal deuh zawk siam tha an ti a. Minimum wages chungchang sawi ho turin zaithiam, soloist leh band te inkokhawmin consultation hi neih ani tih an sawi.