Mizo Zaimi Inzawmkhawm (MZI) chuan Reiek khuaah General Conference an hmang a, hruaitu thar thlanna an nei nghal. MZI president thar atan hian Er. Lalrothanga thla a ni a, General Secretary chu R. Lalchungnunga (Laltea) a ni. 

MZI hi zaimite inzawm khawmna pawl lian tak a ni a, Mizoram chhung leh pawnah an inzar pharh a ni. Member pawh an nei hrawl hlawm hle a, hranghlui zaithiam thlengin an ther fer fur a ni. Mizo ten musician kan neih that ber zinga mi David Z. Hmar chuan president niin hun eng emaw chen a kaihruai a, Lalhunchhungi Pachuau pawh OB kal chhuak ta zingah a tel. 

Hruaitu thar an thlan tak avangin mi tharin pawl an kaihruai dawn a, hun rei tak member rinawm lo ni tawhte an nih avangin an ngaihtuahawm lo hle. President thar Er. Lalrothanga hi State Investment Project Management and Implementation Unit (SIPMIU) a programmee director hna thawk lai a ni. Vice President chu Lalengmawia niin, rimawi lama tawnhriat ngah R. Lalchungnunga (Laltea) chu General Secrtary a ni thung. Asst. Secrtary tan C. Rosangliani thlan niin, Treasurer chu Isaac Hmar a ni a, Fin. Secretary chu K. Lalchamliana a ni.   

MZI General Conference hi Zirtawpni zan khan a tiak a, hruaitu hlun chawimawina an sem bawk. He hun hi Minister Lalrinsanga chuan khuallian niin a hmanpui a, Lalduhawma, MLA chu khualzahawm a ni thung. 

MZI OB THAR TE : 
President : Er. Lalrothanga
Vice President : Lalengmawia
General Secrtary : R. Lalchungnunga (Laltea) 
Asst. Secrtary : C. Rosangliani
Treasurer : Isaac Hmar
Fin. Secretary : K. Lalchamliana