Mizo Zaimi Inzawmkhawm (MZI) chuan an kum 40 na Ruby Jubilee pualin nizan khan Doordarshan Kendra, Aizawl-ah live programme an buatsaih a, zaninah chhunzawm leh a ni ang. Nizan live concert-ah khan MZI artist gospel singer thahnem tak an inlan a, Minister R. Lalzirliana'n a hmanpui. 

He programme hi Doordarshan Kendra, Aizawl leh MZI General Hqrs. ten an buatsaih a ni a, nizan bikah khan Fakhla Zan hman a ni. 

Pathian fakna hla sa thin hranghlui leh thangthar ten fak hla sain live concert neih a ni. Live concert hi zaninah chhunzawm a ni leh dawn a, lenglawng leh lengzem lam a ni ve thung ang.

Programme hi zan dar 7:00pm ah tan a ni dawn a, DDK bakah an YouTube channel DD Mizoram-ah live-a pekchhuah leh a ni ang. Lengzem singer tha tak tak an inlan dawn a, chung zingah chuan 'Thinglung Khawngaih thlak' singer Francis Lallawmkima, Zualboihi leh Vanlalhmangaiha te an tel.