Aizawl: Mizo Zirlai Pawl in Borapansury a Zofate Chawlhbuk an sak chu chhunzawm zel a ni a, tunah hian a beam chhun kim a ni tawh a, a chhuat slab pawh chhun a ni tawh niin thu kan dawn. MZP sak lai chawlhbuk chung slab hi chhun tura buatsaih mek a niin in sak hi kumin chhung chuan zawh hman tum a ni. Zofate chawlhbuk hi cement concrete in a dung ft.45 leh a vang ft.30 a sak a ni a, chhawng hnih tur a ni. MZP thuchhuah tarlan danin Borapansury khuaah hian boruak thalo a awm lemlo a, in sak bultan dawnlai nikum 2014 lama harsatna awm pawh kha Borapansuri lama Chakma ho chuan Chawngte Chakma lamin an fuihpawrh vang thleng niin an sawi a. Borapansuri mipui chuan Zofate chawlhbuk sak chu an dodal lovin hnawk an ti lo niin an sawi bawk.